「蜘蛛仔/Ricky仔」祖利安艾華利斯加盟馬德里體育會之後，呢兩季對強隊都經常入波，對巴塞隆拿8場入到4球，對皇家馬德里7場入4球。今場佢嘅傳送交俾祖利安奴施蒙尼間接導致紅牌都好重要。另外，今季佢有9個歐聯入波，破咗2013/14球季迪亞高哥斯達嘅馬德里體育會球員單季歐聯入波紀錄。

除咗魯謝利都有一個靚助攻外，不得不讚佢哋今場有高水準同穩定發揮嘅守門員梅素。呢位31歲嘅阿根廷守門員延續咗馬體會「必出強龍」嘅傳統，舊年暑假以300萬歐羅從亞特蘭大加盟，比起2021年由烏甸尼斯過檔亞特蘭大嘅2050萬歐羅幾乎抵咗7倍！