艾爾切作客打和基朗拿，宣佈護級成功，21歲烏拉圭前鋒艾華路洛迪古斯射入一個靚波。

基朗拿嘅進攻威脅度有限，組織同配合能力亦都一般，奧拿希喺中場失誤唔少。林馬遠射中楣係關鍵，艾㨗華利另外有一下遠射中目標算係比較有威脅。基朗拿 2022年重返甲組， 2023/24 球季取得第三，24/25 球季出戰歐聯，可惜嚟到 25/26 球季不幸要降班。

另外馬略卡同利雲特、奧沙辛拿三隊同分，計算三隊之間嘅對賽成績（三隊對賽 利雲特總共有7分、奧沙辛拿5分、馬略卡3分），馬略卡成績最差，聯賽排喺尾三，最後都要降落乙組。

西甲煞科戰（38週）賽事賽果-華倫西亞3-1 巴塞隆拿艾拉維斯1-2 華歷簡奴皇家貝迪斯2-1 利雲特切爾達維哥1-0 西維爾艾斯賓奴1-1 皇家蘇斯達基達菲1-0 奧沙辛拿基朗拿1-1 艾爾切馬略卡3-0 奧維多皇家馬德里4-2 畢爾包體育會維拉利爾🆚馬德里體育會（稍後時間進行）

La Liga 🇪🇸