一面天堂一念地獄，自2018/19球季後，柏達邦再次重返德甲！

首回合附加賽，禾夫斯堡展現出嘅鬥志同決心都不足，球員嘅狀態都唔係幾好，今仗就似乎有明顯嘅改善。比辛奴域（Dzenan Pejcinovic）早段嘅入波令客隊嘅「狼堡」取得領先，不過丹麥國腳美利（Joakim Maehle）就成為「莽夫」- 13分鐘飛鏟漢臣（Mattes Hansen）兩黃一紅被逐，導致球隊長時間踢少個，成為輸波嘅主要因素。

柏達邦喺落後情況下，特別係踢多個之後，搶攻態度非常進取。比拜亞（Filip Bilbija）追和之後，佢哋最少有三次機具威脅嘅埋門都過唔到門柱。始終避得過初一避唔過十五，卻達（Larin Curda）加時嘅入波令佢哋事隔8年之後能夠重返甲組行列。賽後大批球迷湧入球場慶祝，場面都非常震撼！

至此，來季德甲18隊波全數確定，史浩克零四攜手艾華斯堡以及柏達邦升班，與另外15隊豪強展開較量。

Bundes LigaPlayoffSC Paderborn 07