【娛樂新聞】冼靖峰預告參演經典喜劇續集 細個已經睇到大 監製話個角色注定由佢演.冼靖峰（Archie）與丁子朗同屬前男團「Loong 9」成員，兩人再度同台演出。Archie笑言當年幾乎每日同丁子朗見面，雖然之後各有各忙，但私底下會約見面，對方係佢圈中最好嘅朋友。佢話兩人再度合作依然默契十足，大家都成熟咗，互相知道對方弱點，排練時會提點同畀意見，係良好競爭。

工作方面，Archie透露有幾首新歌排隊準備推出，又爆日前獲監製通知，話有一個角色注定由佢嚟演，但細節要保密。佢話係一部喜劇，已經有第一輯，仲賣關子話第一輯係自己細個就睇嘅：「如果我要數細個睇開嘅TVB劇集，呢套劇一定係頭三位。」TVB