今日去广州火车站哨街，一出地铁口就见到一家异国餐厅，服务员同客人都系外籍人士果种，心谂肯定正宗，就入去望咗下，个店员就睇咗本菜单俾我.睇咗下，全部都系外国菜，有鹰嘴豆泥，还有我好奇了好耐嘅脆球，就决定哨完街就过来试下。点咗5样嘢。个汤好浓稠，一入口全部都系渣嘅口感，就好似直接将香料搅碎再加少少水嘅口感，but过佢仲随碟附赠青柠一旧，挤晒啲青柠汁入去之后成个汤嘅感觉清爽咗好多。矮瓜泥啲矮瓜本身好淋，但啲彩椒又好脆，脆+淋，口感就几特别。味道系酸酸辣辣，好好送饭。个曼迪米饭，食落居然有阵奶香，但我问个女服务员，佢又话"just rice"，so amazing。脆球嘅外脆內淋.味道係青椒+芫荽+唔知咩香料总之酸酸辣辣嘅香料味，有啲重。混合蔬菜睇来系咖喱嘅一种，因为冇肚，所以净系浅尝咗一旧薯仔，已经唔记得咗系咩味，好像完全俾酸酸嘅脆球味道冚住晒。最后个咖喱同米饭都打晒包.打包费一个¥1.5RMB。总括来讲味道唔错但调味过重，偶尔一次半次试下新鲜几好，长期食肠胃肯定顶唔住，特別係雞都淨系食白切雞嘅人群。