【On.cc】林秀怡穿「斗零踭」孭盧宛茵落斜路　內斂演技獲好評

無綫藝人施焯日在劇集《非份之罪》的《一億殺機》中首次跟資深演盧宛茵合作，施焯日接受訪問時坦言很緊張：「因為佢個樣都好嚴肅，但係拍完之後先發覺『嫲嫲』（盧宛茵劇中角色）原來好溫柔，佢唔單只會同我分享佢以前啲經歷，我哋仲會一齊討論鍾意邊首古典音樂，大家變好friend好好傾。」

林秀怡演出亮眼。

施焯日續指被盧宛茵怒摑後跌撞向書櫃一場，原本他有叫前輩真打，但對方卻因錫住自己冇咁做：「佢驚我痛，好錫住我。」另一幕同樣動人的，是林秀怡不顧一切趕入塔東島救嫲嫲一幕！眼見嫲嫲扭親，在家中完全被無視、兼性格表面冷淡的林秀怡，竟二話不說孭住嫲嫲前往碼頭，席間「嘮嘈嫲嫲」雖然無句好說話，但重感情的林秀怡仍完全「罵不還口」將嫲嫲孭向目的地。

對於林秀怡腳踏斗零踭、貨真假實地孭起盧宛茵拍攝這場戲，網民無不感到讚嘆：「着住高踭鞋行都幾係嘢」、「勁！斗零踭孭住嫲嫲」、「真係好好脾氣」，而對於林秀怡內斂的演技，網民亦繼續讚不絕口。

談到場口，林秀怡受訪時笑言自己「本身大力」，「咁Madam（盧宛茵）都唔係好重。當日最擔心係有一段路係泥石嘅、少少落斜，其實最最最最怕真係整親佢，好驚！我一路行一路同自己講：『你得㗎，唔好跌，一跌就大件事嫁喇』。當日拍完着高踭鞋落斜路戲，就去番平路拍除鞋嗰段，嗰度就穩陣好多。」林秀怡續指當日是凌晨4、5點的通告，曾擔心體力不支而感到更緊張，獲Madam關心令她充滿力量：「Madam 好好，佢好關心我，又怕我攰、又怕我隻腳會刮損。」

林秀怡與盧宛茵甚有默契。

林秀怡孭盧宛茵落鈄路。

施焯日和盧宛茵擦出火花。