【娛樂新聞】謝賢驚傳離世享年89歲 謝霆鋒急返港低調處理後事.一代紅星「四哥」謝賢今日（20日）傳出離世噩耗，享年89歲。《星島頭條》獨家收到消息，正在內地籌備7月25至26日《Evolution Nic Live進化演唱會》青島站嘅兒子謝霆鋒，已緊急低調返回香港，為爸爸處理後事安排。據悉為尊重四哥生前意願，一切會低調辦理。近年與家人定居加拿大嘅謝婷婷，估計亦會返港送別父親。

四哥謝賢近年深居簡出，健康狀況一直備受關注，多次傳出健康亮紅燈，甚至曾被謠傳中風及癱瘓。今年4月，四哥曾現身太平山頂咖啡店飲咖啡，令謠言不攻自破。當時佢身形較以往消瘦，疑似掉落唔少牙齒，出入需以輪椅代步，亦有使用拐杖，但仍然星味十足，保持一貫瀟灑形象。

四哥縱橫影視圈數十年，經典作品無數，消息傳出後大批圈中好友及影迷紛紛留言悼念。謝霆鋒及家人正低調處理後事，具體安排有待公布。