【娛樂新聞】謝賢前女友Coco社交網頭像轉黑表悼念 .謝賢今日（20日）離世，終年89歲。其前妻狄波拉、一對仔女謝霆鋒與謝婷婷，以及前媳婦張栢芝嘅動向備受關注。另一個焦點人物，就係與謝賢相差49歲嘅上海前女友Coco。兩人當年交往12年，轟動一時。

Coco近年喺社交平台開設帳號，多次重提當年與謝賢相戀嘅點滴，更澄清外界一直流傳嘅2,000萬分手費傳聞。雖然佢曾大爆不少兩人往事，但亦多次喺影片中表達對謝賢嘅尊重與感謝。今日謝賢離世消息傳出後，Coco隨即將社交平台頭像轉為黑色，以表悼念。

Coco此舉令外界再次關注呢段轟動一時嘅「爺孫戀」。兩人於2005年相識，交往期間多次公開放閃，至2017年分手。Coco曾透露分手後已重新投入新生活，但對謝賢仍心存感激。如今四哥離世，Coco低調致哀，為呢段曾經轟動全城嘅忘年戀畫上句號。TVB