「無綫視帝」譚俊彥（Shaun）、陳曉華（Hera）、林秀怡（Kirby）及梁凱晴20號齊出席全新節目《重症解密》記者會，齊化身「重症調查科」調查員，以偵緝案件形式為每種重症展開深入調查。在記者會上，4位調查員分享拍攝節目時遇上的重症個案外，適逢Shaun， Kirby及梁凱晴同屬「7月之星」，即場為3位壽星慶生。

Shaun和Hera齊做訪問，Hera表示拍攝《重》節目，因為怕曬黑，所以朝早5時半開始跑步，之後食早餐再開工，覺得早起做運動生活最健康，她說：「其實好耐冇咁大動力減肥，我冇特別去磅體重，但已返到選港姐嘅磅數啦，可以選多次港姐啦。因為嚟緊要拍新劇，體能上要多啲需求，同埋想fit啲。（係咪因為年頭暈咗喺街，所以特別注重身體？）暈咗嗰次係因為我太攰，需要多啲休息啫。」又指因為注重健康，現時減少外出食飯，以保留體力。

問到和緋聞男友朱敏瀚分手，現又少出街，變相減少識新男友機會？她即謂忙拍劇先，但笑言：「有好介紹就通知我。」而Shaun亦謂可充當「金牌媒人2.0」說：「唔使一定搵林盛斌嘅，我同佢同一經理人，識咗好多年，佢啱誠實、風趣同鍾意跑步嘅男仔。（你識唔識朱敏瀚？）過去嘅事唔好講啦，我幫佢篩選。」又爆Hera在拍節目中已認識了不少醫科教授，相信教授有年輕徒弟，或跟Hera匹配。

問到她是否鍾情誠實、風趣同鍾意跑步異性？她笑言要求多：「我會個list好長喎，」再問她早前在網上吐露心聲：「給所有早前在網上需要勇氣的人，有勇氣地給予愛，有勇氣地接受愛！謝謝一眾以身作則的你們，讓這個充滿意義的活動被大家看到。」對此，她解釋當天在慈善晚會上獻唱《勇氣》，網上所寫全是歌詞，但並非完全憑歌寄意，望外界勿誤會，她說：「我依家忙工作，緣分呢啲嘢，聽人講唔強求時就會嚟。」Shaun爆Hera不斷自薦拍玄學節目，相信屆時自有師傅贈言。問她是否已準備再投愛河？她否認現在專心工作。

Shaun又表示自感現不年青，加上要照顧家人及長輩，所以每年都檢查身體，注重健康，尤其早年已為仔女買保險，他說：「畀錢佢哋，可能會使晒，但幫佢哋買保險就係長期保障。」