【On.cc】許志安預祝59歲筵開約10席　歌迷會傾巢而出齊到賀

歌手許志安相隔11年，將於10月8至10日再踏紅館連開3場慶祝入行40年周的演唱會，月前已閉關練歌、排舞備戰個唱的他，百忙中抽空半個下午出席由歌迷會「安樂窩」為他預祝59歲的生日會，近百粉絲為他筵開約10席，齊食燒味、吔新式壽包，皆食自助餐更有新意。

雖然安仔乃偶像實力派，但早視粉絲家人的他，素顏、身穿灰色T恤、黑色運動褲示人，造型似足和屋企人落樓到酒樓飲茶一樣，完全放鬆，相當今次聚會能助忙個唱的他減減壓。他甫出現就和粉絲排排坐在其中一酒席上，再跟粉絲說：「不如食嘢先」，表現親切。

聚會中，安仔如預演演唱會，大唱多首代表作歌外，又跟問答遊戲，問題圍繞他的愛貓名，最愛甚麼顏色、歌曲名等，近乎10題問題被粉絲全猜中9題，安仔表示：「呢條問題較難，因為答案係我今日冇食早餐，應該冇乜估中，而我嘅生日願望係演唱會成功。」為與眾同樂，他亦參猜歌名遊戲，當然他一擊即中，獲贈有他肖像的八達通鎖匙扣一枚，實用又物輕情義重。

許志安一轉眼就59歲。

而生日會高潮位則是切蛋糕環節，粉絲邊唱生日歌邊搬出三層高蛋糕，初時安仔對滿布蛋糕的字牌相當好奇，駐腳仔細研究又說：「好得意喎，呢個蛋糕。」歌迷會會長就為他解謎思謂：「蛋糕上面啲心意（字牌），全部喺在座90位度歌迷寫畀你嘅生日蜜語。」不過他相當搞笑，竟然最關心字牌可否食落肚，得知是翻糖時，又搞爛Gag謂：「我知食得嘛，係張枱唔食得之嘛」，跟粉絲合唱後，安仔在許願前表示：「多謝你哋，我呢一排都係忙緊10月嘅演唱會啦，我攰攰哋時真係有諗起你哋嘅，可能你哋會估今次演唱會係咪好似11年前咁啦，體能會點？除咗唱歌外仲有冇啲新鮮、特別嘢，喺未知同驚驚哋嘅時間，我會諗起你哋，希望盡我嘅能力做好你哋心目中嘅許志安，多謝你哋。」全場報以掌聲。

許志安獲大擺粉絲到場祝賀。

許志安收到三層高蛋糕，寫滿Fans嘅生日蜜語。

許志安預祝生日好感動。

依家佢只想個唱成功。