《2026香港小姐競選》昨晚（30日）順利完成，首次擔任港姐司儀之一的視帝馬國明，開騷前坦言緊張到腳震，不過他最終亦沒有大甩漏，台上使出招牌「天然呆」順利完成任務。馬國明連同兩位拍檔蕭正楠與曹永廉完騷後受訪時，問到馬國明給自己表現分數？他説：「我唔敢畀分呀，我到依家仲係背緊『轉頭見』同『出年見』！」蕭正楠與曹永廉笑言如釋重負，指馬國明表現沒有問題，蕭正楠説：「Ok啦，其實我哋三個經常喺埋一齊，今日少一個都會覺得缺失，好同唔好我哋都會三個一齊面對。」曹永廉則搞笑説：「如果轉頭見同出年見都講錯，其實要解約啦！」

問到若公司下年再邀請出任司儀可會考慮？馬國明笑指公司應該不會考慮，問到今次司儀稿是否為他度身訂造？他説：「一定係啦，佢哋就晒我啲稿嚟寫，一定要畀Credit陸浩明同鄭衍鋒！啲硬嘢佢哋食晒，其次就畀阿蕭同阿廉，最後剩返先畀我食，最希望下次食到剩番一隻字畀我就好喇，哈哈。」