已故天后梅艷芳母親「梅媽」覃美金昨日（30日）在離世，終年102歲，其長子梅啟明為母親身後事而忙，今日（31日）再接受東網電話訪問時，被問到梅媽生前好友、網紅潘小文表示「梅媽」的遺囑中指明梅啟明冇資格搞喪禮，他說：「潘小文係咩人？係咩朋友，依家最緊要係幫阿媽辦理身後事。（個姪有冇阻你？）邊個會阻我，邊個夠膽阻我，依家唔係爭嘅問題，同埋進入咗法律程序，我懷疑阿媽唔係死於自然。（有冇證據？）好多懷疑，依家唔方便講。」

問到其馬來西亞太太Joey越洋大控訴轟他重婚，並已在香港及馬國報案，他說：「拉咪拉我（坐監）囉，都冇咁嘅事。（又話要同二奶結婚，呃咗梅媽幾十萬，同埋話你成日攞錢，活生生激死梅媽？）廢話，真係老屈。」