【娛樂】裕美爆曾被開價3千萬「賣子宮」 自揭入行遇奇異飯局：聽到氹老闆最反感.藝人裕美與男友林作拍拖近八年，近日在中半山豪宅接受專訪，大談多年來所見所聞。裕美自爆未入行前已有十幾個富二代追求，14歲時更有富二代揸跑車接放學，但拍拖一個星期就分手，因對方「成世未食過漢堡包，連綁鞋帶都唔識」，令她感覺似湊仔。她直認最憎與富二代拍拖，批評他們「不可一世」，又指女仔鍾意佢哋只係因為屋企有錢。

裕美更大爆入行後曾被一名中年男子在飯局上當眾侮辱：「佢大聲同我講『你屁股好大喎，畀3,000萬你幫我生仔』。」她坦言當下非常火滾，但對方「30、40歲又好樣」，否則會一巴掌打過去。她強調自己雖有原則，但亦坦言「見到錢再講啦」，更擔心被有錢仔唱通街。林作聞言即笑言自己從未遇過呢類「筍Job」，自誇「精力」旺盛。

裕美又透露曾於經濟困難時，收到娛圈女中介人來電，邀她到澳門陪老闆食飯賭錢，酬勞達六位數，其後更說有新加坡Job，一個月只可返港一次，幾十萬酬勞，氹到老闆開心仲有獎金。但她因警惕性強而拒絕，直言「聽到『氹老闆』最反感」，強調自己鍾意唱歌「唔係返夜總會」。林作聽完即打趣話「咁似KK樂園（賣豬仔）」，更笑言自己唔怕蝕底，願意接呢類「登台」工作。

問到可相信圈中有「包養」之事，裕美秒說：「信！」更知對方姓甚名誰，並謂：「咁我知佢咩背景出身嘛，突然全身名牌又住大屋咁富貴喎！不過唔會歧視佢，每個人都有選擇，或者佢好需要錢嚟買大量名牌，我唔會阻佢。」林作得知女星是裕美朋友，即不停叫她開名，「八公」本色表露無遺。

談及裕美被酸民嘲諷為「專黐有錢人的心機女」，林作挺身為女友平反：「唔計家族財產，單講搵錢能力同個人資產，佢贏咗我3、4年，裕美做KOL目標係1個月搵100萬！（你有冇自卑？）係夢想成真！阿媽教我要搵個叻過自己嘅女人，有咩事都可以『食軟飯』，同埋我鍾意多經歷嘅女人，佢咁多男朋友，一定係姣婆，好正。」裕美早已成功脫貧，但明言絕不花錢在「算死草」的林作身上，她解釋：「我成日同啲姊妹講唔好養男人，首先搵錢唔容易，同埋啲男人唔還錢之餘，仲可以一腳伸開你。我有今日都要多謝林作媽咪，因為佢阿媽曾經睇唔起我，我先咁發憤！」