【娛樂新聞】吳若希自封「女版吳卓羲」 闖男廁大開眼界 阮浩棕活埋戲食朱古力粉.吳若希與阮浩棕今日（2日）為新劇《死有對証》宣傳，劇中二人飾演記者，吳若希拎起高踭鞋怒打渣男，又衝入男廁搜尋阮浩棕，衝動表現自封「女版吳卓羲」，更笑指阮浩棕係「牙籤仔」。吳若希澄清冇睇過對方嘅「牙籤」，反而因今次演出首次觀摩到男廁：「無乜機會，今次真係大開眼界，原來男廁長這樣，我以為男士會Share尿兜！我是真的好奇，因為都想仔仔可以學識禮儀。」講到劇集3年後先播出，二人感嘆好多細節都唔記得，只記得拍外景辛苦，吳若希被綁架，阮浩棕則被活埋地底只露出頭部，吳若希笑言：「拍外景真是年輕才做得到，昨晚我拍《愛·回家之三代同糖》，在海邊吹了海風，都已經頂唔順！」

談到演死屍由閨密陳曉華親自解剖一幕，吳若希歎未夠瘦：「都不是每個人都可以見到自己的死屍樣，都幾peace，記得張床好凍好冰冷，當時農曆七月，我是好驚凍到不停震，好考演技。我現在有經驗，希望自薦做李安、溫子仁作品的屍體！」阮浩棕則大呻活埋戲辛苦，整張臉都是朱古力粉，又指早前與吳若希見面時，對方竟忘記曾有親吻戲份，有被「𡁻完鬆」嘅感覺。佢強調自己年紀比吳若希細，但對方入行較早是前輩。問到吳若希會否怕觀眾對佢同時播出兩劇有微言，佢笑言：「所以安排我死了！」阮浩棕則笑指劇中經常罵爆吳若希，為觀眾出頭。TVB