【娛樂新聞】宋宛穎力撐港姐冠軍袁絲珩實至名歸 倪樂琳讚口才智慧兼備.MYNT「魔音女團」六位成員宋宛穎、倪樂琳、莊子璇、倪嘉雯、盧映彤及喬美莎，今日（2日）出席本地時裝設計師活動。六人自組女團後多了接觸時裝嘅機會，對今次能穿上本地設計師嘅作品感到開心，認為要多多支持香港時裝。

對於新鮮出爐嘅港姐冠軍袁絲珩被指外貌平庸，更有網民指TVB新聞主播林婷婷意外搶Fo，顏值更勝冠軍。三位前港姐冠軍宋宛穎、倪樂琳、莊子璇齊齊為師妹平反。宋宛穎笑言：「我獲選嗰年都係咁樣，只因外界未識我哋就會評話『唔夠靚！』」佢解釋素人需要時間摸索，至少一年先知邊個角度靚啲，更強調港姐不單止係美貌：「我覺得袁絲珩嘅口才真係不得了，絕對係實至名歸。」倪樂琳亦大讚袁絲珩係好有智慧嘅人，佢認為所有佳麗都係素人出身，需要時間摸索自己嘅路線。

被追問覺得袁絲珩靚唔靚，三人異口同聲話「美貌與智慧並重，智慧由內到外散發出來」。莊子璇更指：「唔係一定要大眼、鼻尖先係靚，有各種不同嘅靚，只係各花入各眼，審美主觀唔同。」

此外，由魔音女團演出嘅奇幻短劇《魔幻百變床褥》正播放中，主角莊子璇透露拍攝時有搞笑場口，倪樂琳解釋因見到對方笑才忍唔住笑。TVB