【娱乐新闻】吳若希兩劇連播唔怕觀眾厭 自嘲「越鬧越紅」反擊戲屎批評：終於如願以償.吳若希（Jinny）昨日（2日）出席無綫新劇《死有對証》宣傳活動。該劇將於9月7日晚8時30分首播，而吳若希同時有份參演處境劇《愛·回家之三代同糖》，兩劇接連播出，形成「劇接劇」局面。

被問到頻繁出鏡會否擔心觀眾出現審美疲勞、甚至睇到厭，吳若希接受《香港01》訪問時笑言：「係呀，所以安排我死囉！你哋最想睇嘅嘢就係睇吳若希死，呢次終於如願以償啦！」面對網民追擊，她更稱：「咁冇道德㗎，連死屍都鬧，咁樣唔得㗎。」

提到在《三代同糖》的演出被部分網民批評「戲屎」，吳若希笑着回應：「係呀，所以我咪做處境劇囉！原來大家想我入sit-com的原因係想我train吓啲戲，原來係咁原因。」她坦言有空時會親自回覆網民互動，又自嘲早已習慣成為焦點：「我由2010年開始就已經好惹火啦，都惹火咗17年。有陳定幫師傅同我講過，我呢啲叫『越鬧越紅，越紅越有錢』，所以我而家感受緊嗰種好有錢嘅感覺！」被問到若網民不再鬧她會否不習慣，她表示會失去存在感，當再被鬧時反而覺得「原來你有睇」，令她開心。

另外，對於《三代同糖》使用AI背景引起爭議，吳若希澄清並非為了節省成本，指AI景製作成本比搭實景更高，團隊原意是勇於創新。收到觀眾意見後，團隊已即時調整，之後的AI景會全部轉回實景拍攝。她強調，作為演員，周圍環境只是輔助，最重要是自身由心而發投入角色。TVB