【娱乐新闻】陳星妤為港姐季軍李澤欣「趷腳」護航：可能抽筋 關嘉敏指或屬習慣站姿非有心.關嘉敏與前港姐陳星妤昨日（4日）盛裝出席時裝騷，兩人打扮得體且充滿特色，成為焦點。接受《香港01》訪問時，兩人分享對時尚穿搭的見解，陳星妤亦就今屆港姐季軍李澤欣在活動合照時「偷偷趷腳爭高」引發的熱議作出回應。

關嘉敏表示與設計師相識已久，過往在不同節目及台慶活動中經常穿着對方設計的服飾，大讚其設計能提升個人高貴氣質。她透露為了以最佳狀態示人，當日幾乎不敢吃東西，只靠喝咖啡提神。陳星妤則表示首次參與該設計師的展覽，因以前時間未能配合，加上自己本身是時裝設計出身，因此非常高興能親身支持本地設計。

被問到平日偏好性感還是保守風格，兩人均認為美感才是核心要素。陳星妤說：「我覺得又唔一定話係性感定保守，最主要係看個設計同埋佢背後整個主題，唔需要被布料嘅多少去框死。有美感得嚟，喺自己接受程度之內，我覺得性感係靚嘅都OK。」關嘉敏亦認同：「最緊要係要夾返自己嘅身型，出到嚟可以表達得到件衫嘅所有嘢，同埋靚就得㗎啦！」

近日香港小姐四強及得獎者一同出席公開活動合照時，季軍李澤欣被網民發現偷偷「趷腳」拉高身形，隨即被批評舉止不夠得體、心機重。作為港姐師姐的陳星妤被問及此事時，笑着為師妹護航：「我覺得作為師姐都要保護吓師妹，可能佢嗰陣時抽筋呢！抽筋就要趷起個腳，抽筋陣時『呃』咁樣囉，都有可能㗎嘛！如果抽緊筋你係壓唔到落去㗎嘛。」

關嘉敏則從專業培訓角度解釋：「我自己覺得，因為我唔係選港姐出身，但佢哋參選時有好多訓練要教點樣站立、交叉腳點站。可能佢習慣咗呢個站姿，角度睇落去有較優雅嘅效果，所以我覺得佢都唔係有心嘅。」TVB