【娱乐新闻】曾比特身形消瘦輪廓更立體 預告年底出首張個人大碟：自己做埋監製.曾比特（Mike）日前現身《香港01》十周年慶典活動，現場見他身形明顯消瘦不少，五官輪廓更立體分明。被大讚「變靚仔」，曾比特難掩喜悅，笑言全靠堅持減肥及轉換新髮型，並強調減磅對改變外型十分重要。

回顧十年前的自己，曾比特憶述當時仍是一名在寫字樓工作的普通打工仔：「嗰陣應該都係追夢嘅一個過程，自己除咗有一個正職之外，咁跟住亦都有教唱歌。」當時他還會兼職教唱歌、做婚禮歌手及接Annual Dinner表演。經歷漫長追夢期才得到成為歌手的機會，被問到下一個十年目標時，曾比特坦言不會為自己定太長遠的計劃，傾向實事求是，逐步完成每年目標，務求為大家帶來更多受歡迎的歌曲。

談及今年終極大計，曾比特興奮透露：「我嘅人生第一個大碟就會喺今年推出」，預計11月至12月期間面世。他劇透新碟內容：「入面有十首歌嘅咁，跟住有幾首會係自己可能同其他音樂人去一齊去寫。包括曲包括詞，咁應該都真係會有一首係自己嘗試落手去監製，自己做埋監製。」

對於網民關注他會否無底線繼續減肥，曾比特大派定心丸，表示目前不會再刻意減磅：「最緊要就係健康，一路Keep住呢個身形，一路Keep住一個好嘅狀態，可以唱歌畀大家聽。」TVB