【娱乐新闻】關嘉敏入行十周年計劃新疆旅行慶祝 自爆想拍拖對鏡頭喊話：幫我搵個老公啦.《香港01》日前舉辦十周年慶祝活動，關嘉敏（Carman）與韋雄出席送上祝福，並分享近況。關嘉敏笑言今年剛好亦是出道十周年，與《香港01》十分有緣，計劃獎勵自己去旅行慶祝，目標是新疆一星期。

關嘉敏透露入行以來甚少放假，今次計劃前往新疆：「我很想去新疆呢個地方，影下靚相，睇下風景，順便慶祝生日。」她表示會與一眾朋友同行：「有男有女，同埋有新疆當地人帶我哋周圍走。我以前跳過新疆舞，覺得嗰啲服裝好靚，所以好想去一次。」

韋雄則回憶十年前生活日夜顛倒，終日留在錄音室幫人做歌，現在因有小朋友，生活回復正常，要平衡家庭與工作。他透露暑假帶了女兒去麗江旅行，風景漂亮，但上山後要買氧氣吸：「因為雪山海拔高，但小朋友反而無事，只係貪玩吸幾啖。」他笑言女兒近日開學，自己亦忍唔住說「哇，開學啦，正！」，指女兒現年八歲，剛升三年級。

工作方面，韋雄透露正籌備新歌，已完成錄音，計劃適時推出。關嘉敏則笑言希望能與師兄韋雄合唱，在音樂上由對方帶領。

談到感情狀況，關嘉敏直言想拍拖：「但都要有先得㗎！豈有此理！而家追求者係有嘅，但我覺得最緊要係互相了解，啱溝通。」被問到韋雄會否介紹好男生，關嘉敏即對鏡頭許願：「我希望十週年，《香港01》可以幫我搵到個老公啦！」TVB